साहित्यः
- तांदूळ २ वाटया
- बारीक चिरलेला गूळ ३ वाटया
- एका नारळाचा चव
- भिजवलेले शेंगदाणे अर्धी वाटी
- वेलदोडे ३-४
- मीठ पाव चमचा
- लवंगा
- तूप
- दुधात भिजवलेले केशर
कृतीः
- एक पळी तुपावर लवंगा फोडणीला टाका.
- तांदूळ परतून घ्या.
- तांदळाच्या दुप्पट पाणी घालून मोकळा भात करा.
- वाफ जिरल्यावर परातीत काढा.
- गरम आहे तोवरच त्यात नारळाचा चव, किसलेला गूळ कालवा.
- मोठया पातेल्यात १ पळी तूप घालून सोललेले दाणे परता.
- त्यात परातीतला भात, वेलची पूड घाला.
- मंद आचेवर ठेवा. वरुन दुधात भिजवलेले केशर घाला.
टीपः हा भात निवल्यावरच छान लागतो.
