नारळाच्या दुधातील मोदक

नारळाच्या दुधातील मोदक बनविण्यासाठी –

साहित्य:

• तांदळाची पिठी
• पाणी प्रत्येकी १ वाटी
• नारळाचे दूध अर्धी वाटी
• मीठ चवीपुरते
• भाजलेल्या खसखशीची पूड – २ चमचे
• पाव वाटी साखर
• अर्धी वाटी खवा

कृती:

1. एका नारळाचा चव घेऊन त्यात कोमट पाणी घालून दूध काढून घ्यावे.
2. उरलेला चव जितका भरेल त्याच्या निम्मा गूळ घ्या.
3. त्यात पाव वाटी साखर, अर्धी वाटी खवा, खसखसपूड व नारळ दूध घालून सारण बनवा.
4. तांदळाच्या पिठीची उकड काढून त्यात सारण भरुन मोदक तयार करा, उकडून घ्या.

 – कालनिर्णय रेसिपीज | कालनिर्णय स्वादिष्ट